يسير احمد فى الشارع فى اتجاه منزله محطما تماما
ايه الفايده من الجامعه؟ ايه فايدة الاخلاق؟ ايه اللى له قيمه ؟مفيش حاجه دنيا ولا ليها لزمه
احمد
انا اتعلمت واتخرجت وحبيت واجتهدت وبصيت لنص الكوبايه المليان وفى الاخر ايه ولا حاجه
ويتجه نحو باب العماره فيقابل فتاة تنزل لم يلحظ حتى وجودها
ازيك يا احمد
منال
لا يرد وتنظر اليه فى ذهول
يفتح الباب فلديه مفتاح ويدخل سارحا بدون ان يتكلم مع اسرته بالصاله
مالك يا بنى مالك ، الحق يا ابو احمد ده مابيردش
والدة احمد
سيبيه الصدمه شديده عليه
والد احمد
هيه صدمه واحده مسكين يابنى
والدة احمد
اعمل ايه اروح اهزأهم يرفضوه ماشى بس مش بالشكل ده هوه معندهمش شبان زيه
والد احمد
عالم مريضه
اخت احمد
يخرج احمد مره ثانيه
انا نازل شويه اقعد مع هيثم صاحبى
احمد
مالك يا احمد
اخت احمد
لا يرد ويفتح الباب ويخرج
يا ماما مابيردش انا خايفه عليه قوى
اخت احمد
هوه جاى فى ايه ونازل فى ايه
والدة احمد
ربنا يلطف بيك يا ابنى
والد احمد
يراه صديق له على القهوة وينده عليه
احمد احمد
صديق
مسكين هوه ماله
صديق 2
يتابع السير ويحدث نفسه
طظ فى كل حاجه ياريتنى اموت واستريح ، الدنيا معدلهاش لزمه ، حتى غلط اتمنى الموت
احمد
طب اعمل ايه عشان استريح
يحصله صديقه
مالك يا احمد ، تعالى تعالى نقعد شويه على القهوة
صديق
وياخذه معه الى القهوة
هات لنا شاى
صديق
حاضر
قهوجى
مالك يا احمد
صديق
مفيش مفيش سيبنى سيبى عايزه ابقى لوحدى
احمد
ويقوم احمد تاركا زميله مندهشا وحزين عليه
يمشى كثيرا احمد وهو شارد وفى النهايه يجلس بمفرده على قهوة
تشرب ايه
قهوجى
هه
احمد
باقولك تشرب ايه
قهوجى
اشرب اه اشرب هات شاى
احمد
ويتركه القهوجى وهو يقول
مبرشم ده ولا ايه
قهوجى
يجلس احمد على الكرسى شارد تماما
وادى الشاى ، يا استاذ يا استاذ لاحول ولا قوة الا بالله
قهوجى
ويمشى احمد فقد نسى الشاى
مش معايا فلوس هما عندهم حق وقال رايح اجوز واعمل برم جتك نيله ده حتى محدش راضى بيك ،
احمد
انت فاشل فاشل
ويمشى هائما على وجهه ويرى فتيات يمرحون فيتحدث مع نفسه
كلكم ماديين بتوع فلوس الشاب لو فتح لكم العربيه تركبوا على طول انتم واهاليكم ، كلكم ، كلكم
احمد
يقترب احمد من تقاطع ولا يحس بانه سيعبره ، وفعلا يعبره وتصدمه السياره صدمه عنيفه
فيقع مغشيا عليه واصوات الناس تتحدث ويراهم فى صورة مهزوزه ثم تنطفىء الصورة
ويبقى سواد
مسكين ده بينوا مات
ناس1
يا عينى يا بنى ده فى عز شبابه
ناس2
ماشى تايه خالص انا مليش ذنب ، انا اساسا ماشى بطىء جدا
صاحب السيارة
اطلبوا الاسعاف بسرعه حرام عليكم
ناس1
صوت عربية الاسعاف والتى تظهر اخيرا ويرفع احمد على نقاله ويدخل الى سيارة الاسعاف
وتسير سيارة الاسعاف داخل شوارع القاهرة وصوت السارينه يرن بصداه وكانه يندب الشاب
المسكين
يفيق احمد داخل المستشفى ولا يجد احدا ،
فين الناس والدكاتره
احمد
تدخل الممرضه ويسألها
هوه مفيش حد معايا
احمد
لأ الكل مشيوا وانت بقيت كويس
ممرضه
الحمد لله يعنى ممكن امشى
احمد
ممكن
ممرضه
امال فين موبايلى
احمد
ممكن تلاقيه فى الامانات
ممرضه
طرق على الباب فى منزل احمد
مين ،،،،،، احمد ، حمد لله على السلامه
والدة احمد
الله يسلمكوا
احمد
معلش يا بنى احنا اطمنا عليك واضطرينا نرجع البيت عشان اللى ورانا وكنا هنجيلك بالليل
والدة احمد
يالللا اقعد اتغدا
والد احمد
ابعت sms على تليفون 1234 ويمكنك ان تكسب مليون دولار
صوت التليفزيون
يخرج احمد موبايله ويرسل الرساله
هاتكسب؟
اخت احمد
فى المشمش ومن امتى كنت بكسب اى حاجه،انا داخل انام ،
احمد
احمد على القهوه مع صديقه
عامل ايه بعد العملية
صديق
الحمد له
احمد
يعنى مفيش حاجه بتوجعك
صديق
ولا اى حاجه
احمد
يرن جوال احمد
الو الاستاذ احمد
فتاه
ايوه
احمد
مبروك كسبت مليون دولار ممكن تستلمهم حالا
فتاه
كسبت مليون دولار ازاى
احمد
ممكن سيادتك تشرفنا عشان تستلمهم
فتاه
انا جاى فورا
احمد
ايه ده يا احمد كسبت ازاى
صديق
الحقنى كسبت مليون دولار
احمد
ويجرى
رايح فين
صديق
استلم المليون دولار
احمد
طب اصبر انا جاى معاك
صديق
ياللا بسرعه
احمد
احمد لدى الشركه التى كسبته
يدخل الى المبنى الشيك ويتحدث الى السكرتيرة
انا اللى كسبت المليون دولار
احمد
اتفضل عند المديره
سكرتيرة
يدخل ليرى انثى فى قمة الجمال
انا احمد وانا كسبت المليون دولار
احمد
مبروك بطاقتك لو سمحت
المديرة
اتفضلى
احمد
وادى الشيك ، قلى هاتعمل ايه بالفلوس
المديرة
هاتجوز اللى بحبها ، وهاشترى شقه وعربيه وبقية الفلوس هاستثمرها فى مشروع
احمد
عموما مبروك وربنا يوفقك
المديرة
فى البنك
هتصرف الشيك ولا افتحلك حساب ياسمك
محاسب
لأ افتح لى حساب
احمد
وهاديلك دفتر شيكات وفيزا
محاسب
ماشى
احمد
دقايق اتفضل وكل حاجه هتكون جاهزه
محاسب
فى القهوة
انا مش مصدق نفسى دلوقتى بس اقدر اعمل كل اللى انا عاوزه
احمد
يا بختك يا عم
صديق
تعالى معايا دلوقتى هنشترى عربيه
احمد
على طول كده
صديق
وانا هاستنى ايه
احمد
داخل معرض السيارات
تمنها كام العربيه ديه
احمد
دى 900000 جنيه
بائع
بس دى غاليه قوى يا احمد
صديق
وايه يعنى بس عاجبانى
احمد
هتدفع كاش ولا قسط
بائع
لأ كاش ، تاخد شيك
احمد
مفيش مشكله
بائع
هيه العربيه جاهزه
احمد
عادى ممكن تاخدها معاك وانت ماشى
بائع
وادى الشيك
احمد
ويتخبط فى كتابة الشيك فهذه اول مرة يحرر شيكا
يمشى احمد سائقا سيارته الجديدة ومشاهد اسطوريه له وهو يسير فى الشوارع مع لقطات
للسيارة الفاخره من الداخل
ايه ده يا احمد دى مش عربيه دى طياره
صديق
هاعدى عليك بالليل
احمد
ليه ؟
صديق
هنخرج
احمد
نروح فين؟
صديق
فى معرض فى فندق عن العقارات والشقق هاحجز شقه
احمد
يا خبر يا احمد على طول كده
صديق
ايوه على طول وهاستنى ليه
احمد
فى بيت خطيبته
الحمد لله ربنا فرجها وكسبت مليون دولار
احمد
ايوه كده احنا كنا متمسكين بيك بس انت عارف الواحد لازم يأمن مستقبل بنته
والد خطيبته
تدخل الخطيبه وهى فى كامل زينتها ، وهى فى قمة الاناقه والانوثه كالخيال
انا بقول ما دام كلنا موافقين يبقى هاعمل الشبكه فى فندق خمس نجوم الاسبوع الجاى
احمد
مش قريب قوى ،
ام خطيبته
لأ عادى انا هاشترى الفستان وهأجر احسن قاعه ، وهاعمل الدعوات وكل حاجه بكره
احمد
الف مبروك يا بنى ، بس على فكره المؤخر هيبقى مليون جنيه اظن مش هتفرق معاك
والد خطيبته
ان شاء الله يكون عشره ، دى حياتى كلها انا مش مصدق انى هاجوزها ،طيب بعد اذنكم
احمد
عشان صاحبى مستنينى رايحين نختار شقه من معرض العقارات
بالتوفيق يا بنى
والد خطيبته
ينزل ويفتح السيارة الحكايه واهل خطيبته يطالعونه من البلكونه ويسير ليذهب الى صديقه
والذى يدهش من السيارة وهى تقف جانبه
ياللا يا بنى ادخل هتفضل متنح كده كتير
احمد
فى المعرض
الشقه دى منسوبين فى احسن منطقه بس هى غاليه شويه
بائع
بكام
احمد
2مليون وميه وخمسين الف
بائع
هاخدها
احمد
هاتخدها ازاى انت مجنون
صديق
ليه مش شقة العمر
احمد
وهم فى طريق العوده
هتعمل ايه بالفلوس؟ ، قصدى اللى بقى من الفلوس
صديق
هاحطها فى البنك تكسب فايدة البنك لحد ما الاقى مشروع
احمد
انا باسمع عن البورصه وانها بتكسب مكاسب مهوله
صديق
عندك حق انا برضه باسمع ، خلاص انا هاروح البنك بكره واسالهم واشترى اسهم
احمد
فى البنك
هتشترى اسهم بكل المبلغ ده
محاسب
ايوه
احمد
طيب اختار الاسهم اللى هاتشتريها
محاسب
ماشى
احمد
على كوفى شوب
عملت ايه
صديق
اشتريت بكل الفلوس اسهم
احمد
كلها
صديق
اه كلها ، هيحصل ايه يعنى
احمد
الشبكة فى قاعه اسطوريه وعمرو دياب يغنى " قمرين قمرين دول ولا عينيك قلبى
بيسألنى عليك"
ويجلس هو وعروسته مع مراسم زواج اسطورية
احمد مع صديقه فى كوفى شوب
الاسهم بتنزل
احمد
طب ما تبعها
صديق
لأ مش للدرجه ديه ، وبعدين هتقل كام يعنى
احمد
خد بالك دى ضربتها جامده
صديق
مش للدرجه دى
احمد
مع خطيبته فى بيتهم
نكتب الكتاب وكلها شهر ولا اتنين هاكون استلمت الشقه وجهزتها ، ايه رايك
احمد
انا موافقه
خطيبته
انا مش مصدق نفسى ، اما اقول لباباكى
احمد
ويخرج الى الصالة
يا عمى خلاص ايه رايك نكتب الكتاب علطول
احمد
انا موافق يا بنى هنلاقى احسن منك فين
والد خطيبته
على القهوة
بتوع الشقه طلعوا نصابين والعماره من غير رخصه وفى مخالفه فى الحى
صديق
وبعدين
احمد
تشتكى بقى وحلنى بقى قضايا ومحاكم والنتيجه مش مضمونه
صديق
ياخبر يعنى رحت فى داهيه
احمد
للاسف مشكله
صديق
على القهوة
الاسهم اضريت ضربه سوده
صديق
يعنى بقيت مديون
احمد
للاسف هيه ديه الحقيقه
صديق
حقيقه،مش ممكن ده خراب
احمد
فى البيت
خطيبتك عايزه المؤخر ، بتقول عايزه تتطلق
والد احمد
قليلة الاصل هيه واهلها
احمد
مش هيه دى المشكله انت معاك المؤخر
والد احمد
مؤخر دنا مديون
احمد
حد يعمل مؤخر مليون
والد احمد
على القهوة
عربيتك اتحرقت تماما فى الجراج
الحارس
يا خبر اسود ولعت خالص
احمد
للاسف انت مأمن عليها
الحارس
يعنى ايه مأمن عليها
صديق
ويتركه ويسير تائها
طرق على الباب شديد جدا ويفتح عماد الباب
انت احمد عزت البدرى
الضابط
ايوه
احمد
انت مقبوض عليك
الضابط
يقوم مفزوعا (مش مممكن مش ممكن) ليجد نفسه على سريره بالمستشفى واهله جميعهم
ينظرون اليه من خلال زجاج غرفة العنايه المركزه
داخل المستشفى
الحمد لله انك فقت من الغيبوبه
والد احمد
الحمد لله الحمد لله ده كان كابوس
والدة احمد
احنا فقدنا الامل خالص الحمد لله الحمد لله
والد احمد
ممكن يخرج امتى يا دكتور
اخت احمد
لما نطمن عليه خالص
الدكتور
اوعى تفكر تانى يا احمد بنفس الطريقه ربنا كتب لك النجاه المره ديه
والد احمد
لا خلاص يا بابا انا عرفت ان الفلوس مش كل حاجه
احمد
الحمد لله يا ابنى
والد احمد
يدخل احمد مع اسرته الى بيته
نورت بيتك يا بنى البيت كان مضلم من غيرك
والد احمد
الحمد لله ، الف حمد وشكر ليك يا رب
والدة احمد
اوعى يا بنى تتضايق تانى او تكتئب ربنا كبير وموجود وخلى ايمانك قوى
والد احمد
ونعم بالله يا بابا
احمد
ايه يعنى بنت ما رضيتش بيك ، ولا وظيفه ان شاء الله هتلاقى وهتشتغل
والد احمد
ان شاء الله
احمد
على القهوة مع صديقه
اتكتبلك عمر جديد ، كنت هاضيع يا احمد
صديق
الحمد لله التجربه ديه غيرتنى كتير
احمد
بس اجمد شويه يا احمد ، الواحد مش لازم ينهار بالشكل ده
صديق
خلاص انا خت درس جامد جدا
احمد
درس دى علقه واحمد ربنا انه نجاك منها
صديق
فى البيت
صوت طرق على الباب ويذهب الاب ليفتح
اهلا استاذ اسماعيل اهلا يا مدام اتفضلوا
والد احمد
اهل بيك
اسماعيل
ومين منال الامورة ، ازيك يا بنتى
والد احمد
احنا جايين نسلم على احمد ونقوله حمد لله على السلامه
اسماعيل
كتر خيركم ، اتفضلوا ، اتفضلوا
والدة احمد
يدخل احمد
ايه يا احمد عامل ايه دلوقتى
ام منال
الحمد لله
احمد
يا بنى ابقى خد بالك من نفسك العمر مش بعزقه
اسماعيل
الف سلامه عليك
منال
الله يسلمك
احمد
احنا قلقنا جدا عليك
منال
متشكرين يا بنتى
والدة احمد
فى البيت
انا جايبلك مفاجأة
والد احمد
مفاجأه ايه
احمد
انا حكيت حكايتك لعماد بيه واتاثر جدا وقرر يشغلك فى احدى شركاته بمبلغ صغير 1000
والد احمد
جنيه فى الشهر ، هوه مبلغ صغير قوى بس احسن من اللى انت فيه انت كنت هاضيع يا بنى
يعنى شفقه
احمد
احمد يا بنى انت مش صغير والحياه يا بنى مش سهله ، ومش كلها حسسات، كده شفقه ولا
والد احمد
مش شفقه هوه رجل اعمال ويعنى مش هيصرف فلوسه كده يعنى هيشغلك وهيستفيد منك
وهيبقى ده حقك والارزاق على الله والكل بعد كده اسباب
خلاص يا باباب هاروحله
احمد
ربنا يوفقك يا بنى
والد احمد
فى البيت
والد جارتنا عايزك تساعد بنته منال هيه فى نفس كليتك وهوه عارف انك كنت شاطر ماشى
والد احمد
وماله يا بابا دى منال زى اختى
احمد
ما بلاش اختى ديه ، دى البنت تتاكل اكل
والد احمد
ايه يا بابا هيه داخله دماغك ولا ايه؟
احمد
مع منال فى بيتها بمجرد ان اصبحوا بمفردهم
وانت بقى دماغك فى المذاكره ولا هتتعبينى
احمد
لأ هاتعبك ينفع
منال
ده لو قدرتى
احمد
بس فى واحدة قدرت تخليك تكلم نفسك
منال
يظهر عليه الضيق الشديد
لوسمحتى ما تكلميش تانى فى الموضوع ده
احمد
الله الله انت زعلت ولا ايه ، امال عملى شجاع وداخل عليا دخله جامده
منال
يبتسم
لأ باين عليكى مش سهله وهتتعبينى
احمد
تدخل الام
اتفضل يا بنى الشاى
ام منال
متشكرين يا طنط
احمد
ياريت يا ماما يعنى متجيش تانى عشان نعرف نذاكر
منال
ياه بقى كده دحنا اتغيرنا جامد
ام منال
مشاهد رومانسيه وهو يذاكر لها وان كان مازال متأثرا بما حدث له
انت يعنى كنت بتحبها قوى للدرجه ديه
منال
هى الفكرة انى اتعودت جدا عليها وكنت مصمم تكون من نصيبى
احمد
يا بختها ، بس على فكرة انت غلطان انا بنت زيها البنت طالما ما حستش باللى امامها لو
منال
عمل ايه عمرها ما ها تحبه ، ولما لقيتك ما تزعلش منى مدلوق عليها ، قالت خليه اديه
بيرفع منى
تفتكرى
احمد
فعلا كده ، صدقنى انا با قولك الصراحه
منال
فى بيت الاستاذ / اسماعيل
احمد ده انسان محترم وانا حاسه ان بنتنا معجبه بيه وهيه فى اخر سنه ما نخطبهاله
ام منال
يعنى اروح اقول له تعالى اخطب بنتى
اسماعيل
وماله بطريقتك انت واخطب لبنتك ولا تخطبش لابنك
ام منال
فى البيت
اختك جالها عريس عنده شقه وانسان طيب ومؤدب وعايزك تشوفه
والد احمد
مش لسه صغيره
احمد
صغيره ايه اختك 22 سنه
والد احمد
وماله يا بابا اشوفه
احمد
انا وامك هنروح نقعد فى شقتنا اللى فى البلد وكمان هاخلى صاحب البيت يغير عقد الايجار
والد احمد
باسمك عشان يبقى مفيش اى مشكله ، انت ابنى حبيبى ربنا يوفقك
متشكر جدا يابابا
احمد
ويحضنه حضن عميق جدا وتذرف الدموع
انا يا بنى باحمد ربنا ليل ونها انه قومك من الحادثه الفظيعه اللى حصلت لك وربنا نجاك منها
والد احمد
فى بيت الوالد
الولاد ما بيسيبوش بعض
والد احمد
يظهر السنارة غمزت
والدة احمد
عموما ها نستنى النتيجه ونشوف ايه اللى هيحصل
والد احمد
احمد يقابل منال وهى عائده
ما داهيه لتكونى نجحتى
احمد
وانا معقوله مانجحش واللى بيدرسلى عبقرى
منال
مش قوى كده وبعدين الف مبروك ، تعالى نروح لباباك ونفرحه
احمد
ويسيرون الى البيت مع بعض
منال انا كنت مستنى اللحظه دى عشان اقولك انى باحبك
احمد
بجد
منال
امال هزار
احمد
وانا كمان يا أحمد انا بحبك ومن زمان بس انت كنت مطنش
منال
بزمتك قبل كده كنت ابصلك ازاى
احمد
يا سلام مالى زمان
منال
فى بيت الاستاذ / اسماعيل
هيه عملتى ايه ،
اسماعيل
الحمد لله
منال
مبروك يا بنتى
اسماعيل
البركة فى احمد
والدة احمد
الحمد لله توفيق ربنا
احمد
مبروك لمنال
احمد
الله يبارك فيك يا احمد ، عامل ايه فى شغلك
اسماعيل
الحمد لله الكل بيثق فيه وماشى الحال
احمد
احمد مع منال بعد ظهور النتيجه
ايه هتعملى ايه دلوقتى
احمد
انا على فكره هاشتغل علطول فى واحد صاحب بابا وعدنى بالشغل مجرد ما اتخرج
منال
كويس جدا
فى حديقه عامه
منال ايه رايك ، انت بتحبينى
احمد
يعنى انت مش عارف
منال
يعنى تتجوزينى
احمد
احمد انت عايز ايه روح لبابا وخلصنى
منال
اخلصك ، ماشى
احمد
بس عيب يا احمد احترم نفسك
منال
ليلة الزفاف
الحمد لله انا مش مصدق نفسى
احمد
وانا كمان مش مصدقه
منال
خلاص نسيت صاحبتك بتاعة زمان
منال
ايه بس اللى جاب السيرة دى دلوقتى
احمد
مش هتغيرى هدومك
احمد
غمض عينك
منال
انتى هتكسفى منى
احمد
سيبنى بقى
منال
صباح اليوم التالى
ياللا يا كسلانه قومى افطرى
احمد
افطر حاضر
منال
ويتبادلان القبلات
بس عارف لسه ما اخدتش على الشقه
منال
بكرة تاخدى عليها ، ما انت عارفاها وماماتك جنبك فى الشقه اللى تحت
احمد
تمر ايام العسل
ياه هتنزل الشغل انا كان نفسى الاجازه تبقى ست اشهر
منال
يا ستى اهى كلها كام ساعه وجايلك يعنى هاروح فين
احمد
على رايك وانا كلها اسبوع وانزل الشغل
منال
حياتنا كلها هنعشها زى عرسان جداد
احمد
احمد وزوجته فى بيتهم
فاضل 10 ايام ومعدش معانا 50جنيه مش عارف هنعمل ايه
احمد
ولا يهمك الاكل فى التلاجه ، بس انت امسك ايدك شويه
منال
اكتر من كده
احمد
انا قلقان خايف لدخلنا ما يعيشناش الحياه اللى بنحلم بيها
احمد
ما تقلقش يا أحمد انا ها شتغل وهاخد 850 جنيه وانت مرتبك هيزيد هيوصل 1350 ، ومع
منال
بعض الحياه هتمشى
مالك
احمد
ابدا تعبانه ونفسى غمه عليا
منال
وتهرول الى الحمام
ايه الحكايه بالضبط
احمد
تحمل زوجه احمد وتلد سلمى
الف مبروك يا احمد
منال
الله يبارك فيك
احمد
انت مش فرحان ولا ايه
منال
بالعكس انا فرحان جدا مبروك يا منال الف مبروك
احمد
متخفش من المصاريف ربنا هيدبرها
منال
ان شا الله يا منال
احمد
احمد مع زوجته فى بيته
تصدقى مصاريف الولادة زادت ضعف اللى متوقعينه
احمد
معلش
منال
ولسه مصاريف السبوع
احمد
احنا هنعمل حاجه على الضيق
منال
بس سلمى دى اول فرحتنا
احمد
احمد وزوجته فى بيتهم
انا عارف انك راضيه وما بتتكلميش بس احنا عايشين بالعافيه انا عارف ،
احمد
على فكره انا محتاجه فستان سواريه معنديش وفرح صاحبتى قرب
منال
حاضر يا منال هتصرف ، بس شكلها هنقضى بقية الشهر ارديحى
احمد
هاقولك انا كان عندى فستان هاعمل فيه تعديل وهيبقى 100 100
منال
معقوله يا منال
احمد
ملكش دعوه،،، ازاى الفكره ديه تاهت عن بالى
منال
فى البيت
عايزين ندفع الايجار وفاتورة الكهرباء والمياه
منال
بعدين
احمد
بعدين امتى؟
منال
بس اقبض الحوافز
احمد
انت حر مع صاحب البيت
منال
اقولك انا لسه معايا فلوس خدهم
منال
بس
احمد
يا عم خدهم وخلصنا
منال
تدخل منال متأخره الى شقتها ويبدو عليها التعب
انا هلكت من المواصلات يا احمد
منال
اركبى الغالى
احمد
هيبوظ الميزانيه
منال
ماهيه كده كده بايظه
احمد
فى البيت
كل شوية عيد ميلاد وجواز ونجاح فى المدارس
احمد
بس لازم نجامل زى الناس ما بتجاملنا
منال
هو احنا حد بيجاملنا خالص ولا اقولك ياريت ما يجاملناش حد
فى البيت
سلمى سخنه
منال
سخنه ازاى
احمد
جسها كده
منال
عندك حق ،لازم ننزل حالا المستشفى
احمد
فى المستشفى
لازم تتدفع تامين 2000 جنيه
موظف
طيب انا ممعاييش دلوقى ايه الحل
احمد
معرفش
موظف
ما تخفش انا هاتصل ببابا ييجى على طول
منال
ممكن البنت تخش الدكتور يشوفها ونص ساعه والفلوس تكون عندك
احمد
ما شى نص ساعه بس ودي جدعنه منى
موظف
متشكرين يا سيدى على جدعنتك وجدعنه صاحب المستشفى
احمد
ايه احنا هنلبخ ولا ايه
موظف
لا لا ولا هنلبخ ولا حاجه
احمد
اسكت يا احمد مش عايزين مشاكل
منال
ايه ده المهم البنت جوه
احمد
ايوه والدكتور طمنى
منال
يا رب استر يا رب
احمد
ميبقاش قلبك خفيف
منال
فى ممر العمارة
جرى ايه ياعم صادق كل شوية صيانه صيانه
احمد
المرة دى مش صيانه ده الاستاذ على بيقول هيحط احواض زهور
صادق
احواض زهور طيب بس العمارة تتصين وبعدين يقولى احواض زهور
احمد
ما تدفعش حاجه
منال
ازاى بس
احمد
اتفضل
منال
فى البيت
ياه ده النهاردة 20 رجب ، كل سنه وانت طيبه رمضان على الابواب
احمد
فعلا وعايزين نجيب طلبات رمضان
منال
وماله بس خدى بالك احنا عايزين نصلح نور الشقه اللى كل شويه يضرب
احمد
انا مش هاجيب حاجات كتير والكلام الفاضى ده انا بس هاجيب الضرورى
منال
عند حق الضرورى دى السنه كلها مواسم يا منال وكلها مصاريف
احمد
ولا الفواتير اللى ملهاش عدد
منال
قللى صحيح اشمعنى المره دى مرتبك ناقص
منال
ما انتى عارفه ثلث المرتب حوافز ودى مع المدير يوم فوق ويوم تحت
احمد
مش المدير بيحبك
منال
هوه بيحبنى اه بس انتى عارفه الزن على الودان
احمد
يطرق الباب
حمد لله على السلامه يابابا
احمد
الله يسلمك يا بنى وازى مراتك وفين بنتك الاموره
والد احمد
سلمى ، منال منال بابا وماما هنا ، ازيك يا بابا ازيك يا ماما وحشنى جدا
احمد
الحمد لله طمنى ، امورك تمام
والد احمد
تمام الحمد لله
احمد
امال صاحب البيت بيكلمنى فى التليفون وبيشتكى انك بتاخر الايجار والميه وغيره ايه الحكايه
والد احمد
انت مأزوم ولا ايه
لا ابدا ساعات بس بيبقى فاضل ايام على المرتب
احمد
بس يا بنى لازم تعمل حسابك
والد احمد
هاعمل ايه بس
احمد
ازيك يا طنط ازيك يا عمى
منال
الحمد لله كبرت اهى
والد احمد
تعالى يا منال اقولك
والدة احمد
بس يا بنى انا ابوك ومش عشان اتجوزت هاخلع ايدى لأ اى وقت تكون مأزوم وعايز فلوس
والد احمد
اتصل بيا وماتترددش
الله يخليك يا بابا خيرك مغرقنى
احمد
انا يا بنى بكلمك جد وبكره تكبر وتعلرف اد ايه الواحد بيخاف على ولاده
والد احمد
عند الدكتور
مبروك المدام حامل
الدكتور
حامل ، معقوله
احمد
ومش معقوله ليه
الدكتور
لا ابدا عادى عادى متشكرين يا دكتور ياللا يا منال
احمد
فى البيت
مصاريف اضافيه يارب ساعدنى ، يارب ( محدثا نفسه)
احمد
مبروك يا منال مبروك
احمد
بتقلها مش من قلبك ،تلاقيك بتفكر فى المصاريف
منال
لا ابدا ربنا هيرزقنا
على القهوة
تصدق افتكرت ان كل المشاكل اتحلت لقيت المشاكل موجوده ، لأ وقال ايه منال حامل هوه انا
احمد
لسه فقت من الحمل الاولانى
انت ادمنت الاستقرار ، ومش عايز تخرج براه
صديقه الغنى
عموما الحمد لله على كل حال ، انت عارف وانا فى الغيبوبه بعد الحادثه شفت ايه
احمد
شفت ايه
صديقه الغنى
وجلس يحكى له ما رآه
عايز تقول ان كترة الفلوس اذى ،،، غلط ، عملت زى الافلام العربى القديمه ، كل اللى زادت
صديقه الغنى
فلوسه كانت نقمه عليه ، غلط اكبر غلط
يعنى ايه
احمد
انت خايف من التغيير ومن الفلوس وهو ده اللى موقفك
صديقه الغنى
بتتكلم كده وكأن الفلوس مضمونه
احمد
لأ مش مضمونه بس انت خايف منها ومش متبرمج لزيادتها يعنى ممكن تكون قدامك
صديقه الغنى
وانت نافرها ومش قادر تتطلع اللى جواك
فى عيادة الدكتور
ايه الاخبار يا دكتور
احمد
واضح ان ولادتها هتكون صعبه شويه
الدكتور
يا خبر ازاى
احمد
ما تقلقش احنا هنعمل احتياطتنا
الدكتور
فى بيت احمد
تفتكر ايه اللى عندى كموهبه ، اقدر استغلها
احمد
يا حبيبى انت كلك مواهب
منال
عارفه لو صوتى حلو كنت عملت شريط
احمد
طب ما انت صوتك حلو
منال
حلو يا شيخه ، منال انتى عاجبك اللى احنا فيه ده
احمد
الحمد لله
منال
الحمد لله مقلناش حاجه ، بس كل يوم والتانى المصاريف بتزيد
احمد
احمد اوعى تحزن وتكتئب وتعيد اللى كان
منال
لا ما تخفيش ، انا بس بافكر فى اللى ممكن يزود دخلنا ويزود سعادتنا
احمد
اى
منال
مالك
احمد
الواد بيلعب فى بطنى
منال
والاخ ولا الاخت ديه ناويين ييجوا امتى ان شاء الله
احمد
منال مع والدتها
معدش زى الاول بدا يزهق ويطفش بره البيت
منال
المصاريف اليومين دول بقت تقيله قوى
ام منال
وانا متحمله بس ساعات بتخنق
منال
معلش يا بنتى بكره تتعدل
ام منال
لقطات له وهو سارح يفكر فى كلام صديقه
ايه اللى ممكن اعمله عشان ازود دخلى ايه ، طب ايه اللى انا موهوب فيه او اعمله واتقنه
احمد
وانا حبه واتميز فيه
ايه يا احمد انت علطول سرحان كده
منال
لا ابدا مفيش حاجه
احمد
عايزين نجيب لحمه
منال
وماله ياللا ثوانى البس
احمد
فى البيت فى منتصف الليل
اى اى
منال
ايه هاتعمليها ولا ايه
احمد
مش عارفه اى اى
منال
ياللا بينا على الدكتور
احمد
فى المستشفى
مالك يا احمد
اخت احمد
انا ما نمتش طول الليل وبقالها ست ساعات ولسه مولدتش ،
احمد
معلش ماهيها الولادات كده ، مش انت مجرب
اخت احمد
لا انا ما حسيتش بولادة سلمى ، سبتها فى المستشفى ورحت اجيب حاجه جيت لقيتها ولدت
احمد
وكله تمام و الكلام ده كله بالنهار
معلش هانت
اخت احمد
هتدخل غرفة العمليات انا قلقان جدا ،
احمد
فى المستشفى يجلس احمد على كرسى خارج غرفة الولادة
ينام ثم يفيق على صوت
ولدت ولد زى القمر
اخت احمد
الحمد لله ممكن اشوفه
احمد
لأ لسه شويه استريح
الممرضه
فى منزلهم
فاكره زمان لما دخلتى اوضتى لأول مره وقلتيلى ايه الصور الجميله ديه تفتكرى هيه حلوه
احمد
فعلا
ايه اللى فكرك
منال
يعنى جت على بالى
احمد
بصراحه هيا تحفه ،
منال
هيه فين
احمد
انا حطيت كل حاجتك فى السندره
منال
مش هتسلم على البيبى
منال
بعدين بعدين
احمد
احمد يقوم ويقلب السندره ويخرج اللوحات من الصناديق ويزيل من عليها التراب
يذهب الى صديقه ويترجاه ليؤجر له شقته التى بالدور الارضى
احمد عند صديقه
انت مش كنت بتقول عندك شقة فى مكان كويس بتأجرها
احمد
ايوه ليه
صديقه الغنى
كنت عايز ااجرها منك
احمد
ليه انت ناوى تعزل ، وبعدين دى غاليه عليك
صديقه الغنى
مش انت صاحبى وبتقول عايز تخدمنى ، اخدمنى
احمد
وعايز تأجرها اد ايه
صديقه الغنى
اسبوع
احمد
اسبوع يا راجل اجرى ، وهتعمل بيها ايه فى اسبوع
صديقه الغنى
معرض لوحات
احمد
معرض لوحات ، انت اتجننت ولا ايه معرض لوحات ايه اللى انت بتفكر فيه
صديقه الغنى
ايوه يا محسن اتجننت ، انت خاسس عليك ايه
احمد
خاسس عليا ايه واشمعنى انت تتجنن ، لأ انا اجن منك ،مش عايز ايجار وانا اللى هانتج
صديقه الغنى
المعرض وهاعملك اعلانات رهيبه فى كل حته ، وهاجيبلك موظفين اسقبال واطبعلك كروت ،
دنا ابو الجنان
ايوه واحده واحد ه بس ممكن يعنى المعرض ما يجبش
احمد
عنه ما جاب حسب تساهيل ربنا
صديقه الغنى
فى بيت احمد
معقوله هاينتجلك المعرض
منال
ايوه
احمد
مبروك يا احمد
منال
تفتكرى الناس ممكن يعجبها لوحاتى
احمد
انا واثقه انك هاتشتهر جدا ولوحاتك هتكسر الدنيا
منال
يارب يا منال يارب اهو يبقى رزق المولود الجديد
احمد
يتم توضيب المعرض وتنظيم اللوحات
حط اللوحه دى هنا
احمد
عايزين شوية كراسى الناحيه ديه
صديقه الغنى
يوم المعرض
شايف الناس زى الرز ازاى
صديقه الغنى
البركه فى الدعايا بتاعتك ده انت ما سبتش مكان الا وعملت اعلان
احمد
داخل المعرض
انا مش مصدق
احمد
ولا انا مش ممكن اللوحات بتتباع زى الرز
صديقه الغنى
لأ والاستاذ مجدى ومنيرطالبين لوحات ثانى منى
احمد
انا دلوقتى لازم اخد منك اللى صرفته
صديقه الغنى
عارف بعت بكام
احمد
بكام
صديقه الغنى
مش هتصدق
احمد
الف مبروك يا احمد
صديقه الغنى
يظهر احمد بعد ذلك بسيارة فارهة ويقترب من فيللا شيك مع حمام سباحه
ويدخل البيت فتستقبله زوجته بالقبلات ،
هنسافر اسبوع ايطاليا نتفسح هناك
احمد
ايطاليا ليه ، كنت عايزه اشوف فرنسا
منال
هتروحى فرنسا وكل حته وهنلف العالم
احمد
مع صديقه
عارف رصيدى وصل كام فى البنك
احمد
كام
صديقه الغنى
مليون دولار
احمد
طب خد بالك من نفسك لحس ده رقم نحس
صديقه الغنى
ايوه انت واخد بالك من الحلم اياه
احمد
ويضحكون
يفيق على صوت
قووم قووم مراتك جابت بنت زى القمر
اخت احمد
ينفض عينيه
هيه فين فين
احمد
تعالى ورايا
الممرضه
يدخل الى غرفتها
ما شاء الله ايه الجميل ده ، حمد لله على السلامه يا منال
احمد
مبسوط يا احمد ولا زعلان
منال
يحمل البنت بين يديه
طبعا مبسوط البنات بتيجى برزقها
احمد
بجد
منال
بجد المهم انتى كويسه الحمد لله
احمد
الحمد لله
منال
بس طولتى قوى فى الولاده انا هلكت بره من القعده والقلق
احمد
عندك حق ولادة طويلة جدا
منال
هتخرجى امتى
احمد
يعنى ممكن نسأل الممرضه
منال
لو سمحتى احنا ممكن نخرج امتى
احمد
يعنى نطمن على البيبى ونكشف عليه وتخرجوا على طول مفيش مشكله
الممرضه
منال ، فاكره زمان لما دخلتى اوضتى لأول مره وقلتيلى ايه الصور الجميله ديه تفتكرى
احمد
هيه حلوه فعلا
وترتفع الكاميرا عاليا وينخفض صوتهم تدريجيا